离去塞班实习仲有十天时间
发觉自己实在好“金牛”
对太多事情都拖泥带水，舍不得….
谂起要离开家人，朋友，LA同埋Vegas足足半年
感觉有些少失落….
雖然对塞班之行比较向往，但係好似又缺乏David对此嘅嗰种热情
今晚好想饮酒，唔想醉，只係想搵个朋友吹下水，小饮一下
睇睇手机嘅电话簿，其实自己真係唔係咁多朋友，可以出来饮酒倾计嘅就更加少之又少了
来美国五年半了，发觉自己交际嘅能力提高咗，但係搵到嘅可以交心嘅朋友却真係寥寥可数
呢半年来，时不时总会发条短信去Queenie姐度
因为我始终觉得我同Queenie真係係好朋友
但係半年了，始终无收到任何回复
从旁人口中得知佢话同我已经唔知讲乜嘢好～
真係无奈～莫非就係因为佢同我，同埋E都係朋友，所以觉得身份尴尬唔好意思再同我倾计？
难得喺美国遇到个可以交心嘅好朋友，到头来搞成咁，都唔知点算好
哈哈，有D跑题添….
仲有十天…….
Advertisement