無聊嘅日子好难挨，但係回头望翻过去嘅呢两个月，又觉得原來光阴被虚度得又係快得离谱….

 

来到Saipan已经两个月了，分别喺PIC里面嘅一间最细嘅餐厅Galley度做过waiter、做过cook；紧接着又係Magellan Buffet嘅厨房度工作咗将近三个星期

 

一句话总结就係无所事事～ 一切就如所料嘅一样，Food & Beverage呢个部门雖然係酒店一个十分重要嘅组成部分，但由于我哋实习生只係会被分配去咗server同喺厨房里面打杂，所以毫无疑问：自己将唔会喺呢度学到乜嘢嘢～

 

唔係因为我对F&B有偏见，而係毕竟自己喺LA嘅時候亦都经历过咗waiter嘅日子，所以觉得工作嘅内容其实只係有因为唔同嘅餐厅有唔同嘅要求同需要而不同而已

尤其係喺Magellan厨房工作，感觉真係好无助。每天工作嘅内容就係做阿head叫我做嘅嘢，做完了就要再去问要做乜嘢，事实上根本唔可能对管理一个餐厅甚至一个餐饮部门有任何嘅总体体验同领会。

 

两个月以來，從來无停止过问自己究竟点解会来到Saipan呢个地方？

一開始嘅答案係因为我可以有机会学到关于如何管理运筹餐饮部门（幼稚）

接住会係觉得来呢度实习，可以一次过满足到我完成实习要求同埋专业课要求嘅1000小时嘅工作经验，and第一次喺一个外国人嘅企业里面去工作

宜家只可以不断咁同自己讲：既然已经来到了，就唔好抱怨太多，雖然目前觉得以后自己嘅发展应该唔会係F&B，不过尽力去做好一份工作都不失为一種锻炼～

 

或者我真係应该同training manager约个时间好好咁倾一下了， don’t wanna keep being a lost sheep…..

自从上个星期五晚上到步到宜家为止，已经足足一个星期了。不过其实实际只係上咗5日班，因为星期一同二休息

可能係太耐无接触餐饮呢个行业了，做起嘢来好生手，而且成日都唔记得嘢，记性超级差～～

因为仲未攞到PIC嘅ID卡，所以仲未可以办到用來开cashier machine嘅卡，so次次落order嘅時候都要麻烦麻烦其他同事，搞到自己都觉得非常过意唔去…

吃咗足足一个星期嘅PIC饭堂嘅饭菜，发现呢度最大嘅特点就係菜贵过肉！！！

餐餐都係肉！难得师父今日良心发现先整咗个青菜出来，饥渴得我即刻拨咗一大“住”落自己个碟度！惊死迟咗就俾人吃晒…..

 

计划下个星期一同二要好好咁安排下，尽量可以实现去其它海滩度游水嘅计划！！！

7月8日临晨，晴。经过咗3日同机场check in 柜台嘅坚决斗争之后，终于踏上咗来Saipan嘅飞机！

 

7月9日晚上9点，经过咗足足24小时嘅“旅程”之后，P.I.C就喺眼前了

 

没有想象中的华丽，只係好似一个小型嘅渡假中心咁，静静咁座落于一片椰树林中～

 

住嘅係员工宿舍，比较简陋。类似国内嘅旅店，旧到不能再旧嘅电视机，竟然无AV input嘅！搞到我嘅PS3暂时无办法玩！！

最重要嘅係，房间里面竟然无wifi信号！！大家上网都要出去房间外边上，而且公司规定，每日只有一定数量嘅上网票发俾员工用….好在我同manager讲咗因为我要上online嘅课，所以可以攞到个weekly pass，雖然仲係要去房间外边上网，但係都已经比好多人好好多架了，知足了。。。

 

7月10日，晴。到塞班嘅第二日，由于我比原定时间迟咗3日，所以可能就係因为呢个原因，负责trainning嘅Evan安排我从第二日就即刻開始上班！好在喺飞机上面比较好咁控制咗自己嘅睡眠，所以无太多嘅时差反应

 

第一个月会喺P.I.C嘅唯一一间24小时餐厅度上班，先从waiter做起，然后会去后面厨房继续熟悉

好耐无咗餐厅了，第一日嘅工作让自己嘅双腿都好攰，but感觉唔错！

 

因为manager嘅schedule係休星期一同二，所以same of mine

连续上咗两日班，感觉良好。然后终于迎来咗我嘅第一个day off！

休息的第一天下午，约了Sean同Su一齐去海边游水。呢次係我第一次喺海里面真正咁游水，而且仲要係真係见到D鱼仔喺自己身边周围嘅地方游紧！感觉好紧张，因为细个嘅時候睇得太多“大白鲨”呢套电影了！！Sean执咗个好靓嘅珊瑚，而且仲发现里面竟然仲住着一只螃蟹仔同埋一只小虾！可能佢哋好耐以前就已经寄居喺里面，所以随着珊瑚嘅不断变茂盛，佢哋最终被困咗喺个珊瑚度…. 游完水，去咗海边嘅fine dining度饮咗两喳啤酒，感觉真係好鬼死正架喈！哈哈哈！！！

 

今日係休息嘅第二日，基本上除咗瞓觉上网、瞓觉之外就无做过任何嘢了…. 最大作为应该就係写咗blog！闪～～～

 

 

从关岛飞塞班的班机，坐过的第二次螺旋桨飞机，每排只得四个座位…. 感觉连起飞都係个问题～

 

 

小朋友砌的很可爱的spongebob！！

 

我壮观的肚腩！！

 

 

P.I.C的海边。好多小石头，行得好辛苦～

 

晚霞～ gf话好似远处火山爆发咁！

 

离去塞班实习仲有十天时间

发觉自己实在好“金牛”

对太多事情都拖泥带水，舍不得….

谂起要离开家人，朋友，LA同埋Vegas足足半年

感觉有些少失落….

雖然对塞班之行比较向往，但係好似又缺乏David对此嘅嗰种热情

今晚好想饮酒，唔想醉，只係想搵个朋友吹下水，小饮一下

睇睇手机嘅电话簿，其实自己真係唔係咁多朋友，可以出来饮酒倾计嘅就更加少之又少了

来美国五年半了，发觉自己交际嘅能力提高咗，但係搵到嘅可以交心嘅朋友却真係寥寥可数

呢半年来，时不时总会发条短信去Queenie姐度

因为我始终觉得我同Queenie真係係好朋友

但係半年了，始终无收到任何回复

从旁人口中得知佢话同我已经唔知讲乜嘢好～

真係无奈～莫非就係因为佢同我，同埋E都係朋友，所以觉得身份尴尬唔好意思再同我倾计？

难得喺美国遇到个可以交心嘅好朋友，到头来搞成咁，都唔知点算好

哈哈，有D跑题添….

仲有十天…….

真係估唔到同佢嘅結局竟然係因爲$嘅原因而産生嗷撬…..

故事嘅起因係咁嘅：（以下部分的“佢”＝我ex）

當初仲未同佢喺埋一齊嘅時候，佢ex开佢新买嘅车嘅時候出咗事故，部车total咗

由于保險公司隻係賠償當時車價，而佢又堅持要买翻新車，所以見解可以讲係佢ex導致佢損失咗超過7千美金…..

于是佢ex答應等保險公司賠償咗傷害賠償金之後就會将全部归晒佢所有

但係由于之後佢哋嘅分開，我同佢喺埋嘅原因；佢ex攞到钱之後就反口攞走咗佢嘅嗰part賠償金

當時見到佢因爲钱嘅事而煩惱，而我又無能为力，所以真係好無奈～

直到有一次….

我開住佢车嘅時候，俾个白痴低能嘅老坑从driver side撞咗過來，部车左邊嚴重損毁，但係个老坑隻係得low income insurance，最高賠償金額隻係得$3000！！

完全唔可能cover到个維修費用，而咁啱佢當時个保險啱啱過期，幸好我嘅保險係全保嘅，所以最後搵保險公司講數，夾硬用我嘅保險来去cover翻D修理费

而後同樣哋，我哋用翻同樣嘅辦法去claim身體傷害賠償

于是我就同佢讲，既然有咁嘅機會，我希望日後就算攞翻笔钱嘅時候，我会将我嘅嗰部分俾埋佢，因爲雖然之前佢嗰7千蚊損失唔係我造成嘅，但係我覺得作爲男朋友，我都有責任去帮去承擔一部分嘅。當時亦都无諗到事情会發生到今日呢個地步～

之後就係漫長嘅保險公司同律師楼之間嘅鬥志鬥勇了～

喺呢段漫長嘅日子裏面，我哋之間嘅關係亦都走到咗盡頭

知道分手后嘅一年后，我哋嘅傷害賠償金先批咗落來

而我已經改變咗我當初嘅决定了：我决定摞翻屬于我嘅嗰一部分

佢话我係asshole，话我自私；我唔否認，因爲我覺得喺經歷咗咁多事情之後，我已經再无为佢負任何責任嘅必要了

佢嘅損失唔係我造成嘅，恰恰相反，呢次嘅意外却係因爲我而先可以将損失程度減到最低甚至话係因爲个意外而賺錢

既然佢已經可以通過我嘅保險而免費整翻好部车，and得到咗一筆唔算多亦都唔算太少嘅身體傷害賠償金的話；

咁我係唔係應該有理由摞翻屬于我自己嘅嗰部分先？？

我真係覺得我无做錯D乜嘢喔，喺當時來講，我已經尽咗作爲男朋友應該尽嘅義務

我讲会将钱俾佢嘅時候，我係真心嘅；但係宜傢我哋之間嘅關係唔同咗了，佢已經从我呢度得到咗利益了，咁我就无必要再为別人犯嘅错而埋單架啦！！

话我自私？我认嘎！我做乜要咁大方咁去为第個傻X佬嘅过失埋單先？！！但係我无令到佢損失喔！！

點解到头来，得到好處嘅佢仲係要怪責我，甚至令到我哋之間嘅關係惡劣至此呢？？

我咁樣做，有错咩？？？？

经过再三嘅考虑，决定接受Saipan嘅offer！！

因为单单係嗰度嘅阳光与海滩就已经好鬼死吸引我了！！

Saipan!!! See you on July!!!

根據琴晚从Molly（not 茂梨）度得到可靠消息，话我可能被錄用到去Saipan度做internship！！

 

有時呢D嘢真係可遇不可求～ 想當初我仲極力反對Yip去呢個interview，時隔半年后，自己因爲實在无搵到其它嘅intern機會，所以都唯有来試一試，點知得咗！哈！

 

完全对Saipan唔瞭解，甚至连佢喺屬于美國管嘅我都係前兩日先知。。。。

 

睇一睇地圖，發現原來Saipan离廣州好近！！而且google度话上面都好多華人，不禁对佢産生咗不少嘅親切感

 

internshi總共要做半年，即係意味着我嘅畢業期又要推遲多半年….

 

啱開始適應咗LV嘅生活，宜傢又話要離開，去到一個完全陌生嘅地方，真係唔知去唔去好….

 

父母又要孤獨咁留喺LA，真係好放心唔落。畢竟隔住个太平洋，唔係可以好似喺LV咁，哪怕有乜嘢事都可以即刻飛車翻LA

 

唔去吧，好好似覺得咁好嘅機會放喺面前，錯過咗又好似實在係損失

 

睇來真係好好哋栋高床板谂谂佢了！！

 

头痕！！！！！！！！！！！

 

哦，原來係琴晚唔記得洗頭～

過去嘅呢個周末實在係过得好開心！！

 

From Thursday：星期四終于收到我从Gamefly租到嘅第一只PS3游戲－－ The modern Warfare2！ 即刻好好咁喺屋企煲咗成晚！原定嘅下午去做gym嘅計劃再次擱置….

 

Friday： 自己人生中極少數嘅一次picnic！ 全靠BB带我去咗咁靓風景嘅地方：Lake Las Vegas  實在佩服老美，喺沙漠中建起咗City Las Vegas唔單止，仲竟然可以整埋个咁靓嘅人工湖同咁多綠樹！！或者自己真係老了，其實喺嗰度渡假嘅好多都係上咗年紀嘅人，但係喺嗰短短嘅兩個鐘頭裏面，我真係过得好輕鬆，完全唔需要去煩惱任何事情。再加上吃咗兩個“溫暖牌”cheese三文治，足以令我滿足到A咁了！   下午又去咗逛街，逛到攰攰哋了，晚黑就去Cheese cake factory 同BB慶祝佢加人工。兩個人点咗一個頭盤＋一個pasta都完全吃唔到一半，原先打算甜品要吃嗰度嘅yummy cheese cake，最後亦只能作罷了…. the day ended up with兩個人租咗只電影一齊睇！

 

Saturday： 瞓大觉！ 原本以爲已經无希望晋級嘅Fantasy Basketball game 又開始有翻少少起色！！ GoGo Team Toby！！！

 

Sunday:  收拾房間，嘗試令尘封咗好耐嘅desktop起死回生，可惜暫時未能成功…. 晚黑經歷咗兩個半小時極度緊張嘅NBA比賽 Portland：Phoenix！事關决定我同我對手命運嘅兩個球員分別係Portland嘅Brandon Roy同埋Phoenix嘅Steve Nash。真係從來未試過睇NBA睇得咁肉緊！！我哋彼此嘅比分僅僅以零點零幾分嘅幅度来鬥爭！好在憑藉住Roy嘅第四节發力，終于将我送入咗下個星期嘅Final game！！第一次玩就已經可以有咁嘅成績，真係開心到我晕！！！

雖然後來瞓覺前發生咗少少唔愉快嘅事情，不過都隻係小事。 unperfect is perfect！！！哈哈哈哈！！！

 

再過多个星期就係spring break，本來以爲可以去搵張薇姐姐玩嘅，點知D機票贵到阿媽都唔認得唯有等下次了…..